bali 2017

am morge am halbi zwöi si mier im hotel abgholt worde. de si mier fasch zwo stund id bärge gfahre. jetz isch bi stockfischterer nacht u taschelampeliecht mit em ufstieg losgange. dr erscht verpflegigsposchte bim ufstieg. mier hei aber  z'triche aber sälber mitgschleipft -  isch ja ehresach. dobe acho... hei mier e wunderschönistimmig chönne gniesse. immerhin hei mier 1000 höhemeter gmacht. über stock u stei u ir stockfischteri... dr sunneufgang het üs derfür entschädiget... wunderbar isch es gsi über em näbelmeer... dr vulkan isch immer no aktiv... ....hie gseht me wies dampfet. äs erinnerigsbild mit üsem iheimische bärgfüehrer. är macht die tour 6x ir wuche. nach em mittag si mier wieder im hotel acho. ohni schueh - die han i em füehrer gschenkt. jetz heissts chly relaxe... 

hüt hei mier am vreni sis geburigschenk wo sie vo mier het übercho, chönne  ilöse. sie isch sehr gspannt gsi... mier hei bim ne silberschmied beidi sälber chönne e ring mache. das isch dr rohstoff: silber... ... das wird gschmolze... ... u glüeig in e form gosse. nach em walzes gseht dr rohling  für e ring e so us. z'silber wird de geng umhi gheizt, das mes besser cha verarbeite. de wirds ghämmeret für  d'struktur z'übercho. de poliert, id form bracht... ...u nomal poliert. jetz hei mier z'endprodukt am finger u si mega stolz !!! dä tag het spass gmacht u isch sehr interessant gsi. morn isch de früech tagwach. am 01.30 uhr wärde mier im hotel abgholt. dr vulkan kintamani wartet. guet nacht !

am halbi achti (pünktlich!) si mier im hotel abgholt worde u si ca 2 stund i d'bärge gfahre. underwäx si mer dr balinesische küderabfuehr begägnet. nach em fiirtag hei sie e hufe z'tüe ka... zmitts i de riisterasse hei sie üs usglade...  ... u usgrüstet. jetz si mier 2 stund dür e rägewald graftet. verbie a verschiedene wasserfäll u exotische böim u pflanze. obwohls scho z'vierte mal isch gsi, machts immer wieder spass. müed, aber mit vielne idrück si mier  zrugg i z'hotel. hie gniesse mier jetz dr fiirabe... machet das o, we dr derzue chömet. lg v&a übrigens: uf em nöie blog sötts de o ga, e kommentar z'verfasse.  probiers eifach... :-)