bali 2017

hüt isch es wieder früech losgange. am drü het dr wecker tschäderet  u am vieri het üs dr schofför vor em  hotel abgholt. wo mier ir lovina bucht si acho, isch grad d'sunne ufgange. scho het üs dr kapitän mit sim uslegerbötli erwartet. nei, natürlich nid dä. dä isch nume mitgfahre, het gfötelet u schribt dä blog, wo dier hie chönnt läse. ier fraget nech sicher, für was die usleger si? das isch zur stabilisierig vom boot. die schmale böötleni würde süschsicher welpe... aber was söll i no lang über böötleni verzelle. mier si ja wäg de delfine cho. u würklich, nach ere stund usifahre, hei mier die erschte gseh gumpe. wie us em nüt, si si albe uftoucht, si es paar mal gumpet u wieder verschwunde. si sueche am früeche morge fueter. (chlini fischli) drum si sie sch aktiv. es würkt sehr amuetig, we die schöne, flinke u intelligänte tier ihri bahne dür z'meer zieh.  gäg die nüni si mier zrugg a land gsi. uf em rüchwäg hei mier i de riisfälder e mittagshalt gma

hüt am nami hei mier üs spontan entschiede, en usflug richtig  uluwatu z'mache. also hei mier e chauffeur charteret u dä isch mit üs los. erschte stop padang padang beach. nach em ne steile abstieg... ...ä blick  uf e wunderbari... ...felslandschaft. atemberoubend! de wieder obsi kraxle u witer nach uluwatu. läck isch das schön... ...ömel we me dä ir mitti furtteicht :-) natur pur... ... panoramablick... ... über die wältbekannti surferbeach. bir re indonesisch ristafel (e hufe chlyni sache vo fisch, über poulet, crevette,  sparerips, gmües uchüstigi sösseli) hei mier dä tag la usklinge. witeri blibendi idrück hei mier törfe mitnäh...

zersch no e nachtrag zum usflug nach gili trawangan: dr guet wille zur küdertrennig isch da. wurd aber bsunders vo de iheimische no nid wahrgno. schad, we das so witer- geit, vermüllet die schöni insle... da d'schildchrotte o under däm küder lide, gits geng weniger. drum hei sie e ufzucht gstartet, wo chlyni chönne schlüpfe u de später usgsetzt wärde. das nützt aber nume, we si meh sorg hei zur umwält. hoffentlich,  bevors z'spät isch... witus erfreulicher si die fahrende  ässensständ, wo me sowohl uf de  gili insle, wie o z'bali hüfig gseht. vor allem die iheimische chönne sich  dert günschtig verpflege... jetz aber zu üsem zischtig. nach em ne feine capuccino... .. hei mier üs uf d'socke gmachte u d'umgäbig erkundet. hie e schmucki strassechrützig z'tuban. de isch o no chlei ghändelet u  gängelet worde. hie geits um armchetteli.wär het ächt gwunne? u scho wieder isch e tag verbi. guet nacht...

nach em gestrige räge, isch es hüt troche gsi u mier si ga schnorchle. wunderschöni fische hei mier gseh  uo e strammi meerjungfrou... ;-) nächhär hets scho gheisse: aschied nä vom schöne jali resort. e letschte schwumm im pool... e letschte blick a strand... ... schön isch es gsi. obwohl mier  kener pilzli ( magic mushrooms) probiert hei. z'fuess isch es gäge boots- alegestell zue. statt welcome, heissts jetz  bye bye gili grawangan. bi strömendem räge hei mier d'gili verlah u si pflotschnass uf em boot acho. nach ere 41/2 stündige fahrt si mier müed u zfride im hotel acho. bis morn  lg us kuta